Sad Poetries

زندگی کی یہ کتاب تو ایک بار ملتی ہے اِس کے ہر صفحے پر بھی خوشیاں کون لکھ سکتا ہے ​وہ ایک جنبشِ ابرو پہ مل گیا تھا ہمیں یوں ایک پل میں ملی ہوگی کائنات کسے؟ ​افسوس کوئی ایک بھی پورا نہ ہوسکا آنکھوں نے کتنے خواب سجائے تھے عید پر ​زندگی جب بھی پکارا تُو نے مشکل میں ہمیں پا برہنہ ہم چلے آئے تری آواز پر ​بعداز فنا بھی قبر پہ روتی رہی قضا میری طرح شباب میں اجڑا کوئی نہیں ​بیزارؔ اِن ستارہ شناسوں کے شہر میں چہرے کھلی کتاب ہیں، پڑھتا نہیں کوئی ​شاعر خالد بیزار اور اُن کے کلام کا جائزہ ​ضلع اٹک کے معذور، مفلوک الحال اور باصلاحیت شاعر خالد بیزار کا واحد شعری مجموعہ ”چاندنی سے دِیا جلاتے ہیں“ (۲۰۱۹ء) المیے، ناآسودگی اور دردوکرب کی غماز ہے جو خالد بیزار کی پوری زندگی کا احاطہ کیے ہوئے ہے۔ ​مجموعہ کے دیباچہ میں خالد بیزار اپنے نظریۂ شعر کی بابت خود رقم طراز ہیں: ​”شعر میری فطری اظہار کی اساس ہے۔ میں نے زخموں پر سیاست کرنے والی رسموں سے بغاوت کا یہ فن اپنے اسلاف سے پُرنور عقیدت کے صلے میں حاصل کیا ہے۔ میں نے جبر کی آندھی کے مقابل مزاحمت کے چراغوں کو جلادینے کی روایت کو سحرتاب کیا ہے۔“ ​ شعری مجموعے ک...